قصة مؤثرة جدا للبنات مع الهيئه
قصة حصلت يوم الأربعاء الماضي
لبنات في ينبع الهيئه الملكيه
منقول من لسان شخص عاش الموقف بنفسه
يقول
كنت في حي الهيئه الملكيه بينبع وكنت على
موعد مع صديقي كالعادة كل اربعاء يمرني بعد صلاة العشاء نتمشى الى
الساعة عشر ونتعشاء ونمر نستأجر افلام ونروح البيت ونسهر
عليهم الى صلاة الفجر وفي هذا اليوم اختلف البرنامج تماماً مرني صديقي
وطلعنا وسوالف وقال بمر الدانه مول اللي هي
فيها المطاعم زي مااك وغيره المهم قلت له لا تروح هناك قال يا رجال نتفرج
قلت اليوم اربعاء وزحمة واكيد فيه هيئة قال وش علينا كل العالم تروح المهم رحنا
دخلنا السوق وكان مزحوم وكانت الهيئة موجوده وبشكل كبير اكثر من سيارة
المهم أخذنا لفة وحدة وكان قلبي مش مرتاح قلت فيه شي او راح يصير لنا شي
وانا من النوع أحس اذا فيه شي ودايم سبحان الله يطلع احساسي صحيح المهم
وحنا في اللفه الثانية رحنا مع شارع كله محلات راقية وهناك لقينا سيارتين للهئية
واقفين متخفين بعيد وكأنهم يراقبون احد المهم قلت لخويي قلبي قابضني فيه
شي بيصير لا تترك الشارع هذا خذ لفة ثانية المهم
وحنا في اللفه الثانية
إلا الشارع
فيه زحمة وصوت كلام عالي ومانشوف شي سيارات زحمة
والسيارات واقفه قلت افتح الباب واوقف المهم
فتحت الباب ووقفت لقيت واحد من الهيئة يصارخ
على البنات ووحدة منهم هي اللي تصارخ عليه وتتكلم معاه وشوي وهو
يقول لها ما اقدر امد يدي عليك خليها تجي بالطيبه وهي تقول انت خليت فيها
طيبة المهم قال شغلك معاي قالت له البنت
اسبق خيول ابوك واذا انت رجال الحقني المهم ركبوو السيارة وهو يقول
لأخوياة وراهم ولا تتركونهم وقمنا حنا لفينا يمين ورحنا نتفرج طلعت السيارات
اللي شافت الزحمه وانطلقت السيارة اللي فيها بنات ومسرعين على طريق الشرم
ووراهم سيارتين حقت الهيئة وحنا ومعانا سيارات زحمة نلحقهم المهم السيارات
في سرعة عالية مرة
وهنا يبان لنا انها مطاردة ياساتر على السرعة وانا خويي اقول هدي
السرعة وانا خايف من جد لان صديقي اندمج وهو يلحق السيارات وانا يا فلان
اتركهم وش علينا منهم وهو هذا تخصصه يحب يشوف
المهم وحنا وراهم وجاء الدوار الكبير حق الشرم وكل السيارات
مسرعين والسيارة اللي فيها البنات
اول سيارة في المطاردة وشوي وفي الدوار يالله سرعة جنونية وسيارة الهيئة
وراهم نفس السرعه وقرر يجي جمبهم سواق البنات تفجئ من جد وشوي الا هو
فوق الدوار وتنقلب سيارة البنات ومن جمب الدوار وتنقلب وتطلع من الجهة
الثانية وهنا في بنت من قوة الانقلاب طلعت من السيارة بدون عباء
واخيرا وقفت السيارة بعد اربع قلبات وسيارة الهيئة صدم في الدوار ولا انقلب
وانا هنا وقف شعر راسي وجاتني مثل الدوخه وخويي وقف سيارته نزل قلبه
قوي وانا قلبي قوي بس منظر البنت سبب الصدمه يخوف ولي اسبوع اذا ذكرت
الموقف المهم شوي ونزلت ورى صديقي وعاااااااااالم واقفين واللي يسوق
سيارة الهئية واقف منبهر يبكي وحاط يدينه على راسه وبعض الشباب جزاهم
الله خير يبون يشيلون البنات قمت انا وكم واحد غطيناهم ما ندري هم أحياء
أموات وبالصدفه نزل واحد كان مع زوجته وولد صغير طلع دكتور وجاء مسرع
وبقلب قوي وقام يكشف عليهم وحده وحدة ويمسك يدها ومن بنت الى بنت واخر
شي راح للبنت للي طلعت اثناء الانقلاب وقام من عند البنت ووقف الدكتور
والعالم كلها تناظر فيه ونزل راسه قال الله يرحمهم هنا العالم انبهرت وترحموا
عليهم وقمنا وغطيناهم بعد ما كشف الدكتور وشوي الا جاء واحد يطالع في
سيارة البنات يمين شمال وراح من هنا ومن هنا وراح وشاف رقم اللوحة وقام
يبكي قال له واحد تعرفهم قال ايه يقربوون لي
قال له تعوذ من الشيطان يمكنك غلطان قال لا يقربوون لي قال اكشف على
وجيههم
قام كشف عليهم وحده و حده وعرفهم
طلعو البنات
وحدة بنت السبيت
والثانية بنت الهاص
والثالثة بنت الديمن
والرابعة بنت الشرياء
وصحيت من النوم
ياحبك للبلوووت
ههههههههههههههههههههههه
طلع حلم
|
العرض العادي
